راولپنڈی (جنگ نیوز) پنجاب حکومت نے چینی باشندوں کی سیکیورٹی کے لیے لگژری گاڑیاں خریدنے کا فیصلہ کرلیا۔ذرائع کے مطابق چینی باشندوں کی سیکیورٹی کے لیے پنجاب حکومت نے50کروڑ روپے ادا کرنے کی منظوری دے دی، منظوری آئی جی پنجاب کی سفارشات پر صوبائی کابینہ کی جانب سے دی گئی۔حکومتی ذرائع نے بتایا ہے کہ وفاقی حکومت نے 2016 میں 23 لگژری گاڑیاں چائنیز اور دیگر وی وی آئی پیز کے لیے خریدی تھیں، 2016کے بعد سے سی پیک سمیت دیگر چینی منصوبوں میں اضافہ ہوا جس کے بعد گاڑیاں کم پڑ گئیں۔