واشنگٹن(صباح نیوز)امریکہ نے مشرق وسطیٰ میں بی52طیارے اور بحری جنگی جہاز تعینات کردیئے ۔امریکی میڈیا کے مطابق تعیناتی مشرق وسطیٰ میںملٹری ری ایڈجسٹمنٹ کا حصہ ہے ، مشرق وسطیٰ میں پہلے سے موجود طیارہ بردار جہاز اور 3 جنگی جہاز رواں ماہ کے وسط تک واپس امریکہ چلے جائیں گے۔ پینٹاگون کے مطابق اسرائیل کے دفاع اور حوثیوں کے حملے سے اتحادیوں کی حفاظت یقینی بنانے کے لیے اقدامات کئے۔دوسری جانب لبنانی وزیرٹرِ انسپورٹ نے کہا ہے کہ لبنان شام سرحد اسرائیلی حملے کے بعد دوبارہ مکمل بند کردی گئی ، گزشتہ ماہ بھی لبنان شام سرحد کو اسرائیلی حملے کے بعد بند کیا گیا تھا۔انہوں نے کہا کہ حملے کے کچھ روز بعد سرحدی گزر گاہ کو چھوٹی گاڑیوں کے لیے کھولا گیا تھا۔