سلمان اکرم راجہ،افضال عظیم پاہٹ و دیگر کی عبوری ضمانتوں میں 23نومبر تک توسیع

لاہور ( کورٹ رپورٹر ) انسداد دہشت گردی عدالت نے5اکتوبر احتجاج کے دوران جلائو گھیرائو کے4مقدمات پی ٹی آئی رہنما سلمان اکرم راجہ، افضال عظیم پاہٹ سمیت دیگر کی عبوری ضمانتوں میں 23نومبر تک توسیع کردی،عدالت نے آئندہ سماعت پر حتمی تفتیشی رپورٹ طلب کرلی ، تھانہ لاری اڈا ،اسلام پورہ ،مستی گیٹ اور شفیق آباد پولیس نے مقدمات درج کررکھے ہیں۔دریں اثناء انسداد دہشت گردی عدالت نے 9 مئی جلائو گھیرائو مقدمات میں مراد سعید ، میاں اسلم اقبال ،میاں حماد اظہر ،فرحت عباس واثق قیوم ،زبیر نیازی ،حامد رضا گیلانی کے ناقابل ضمانت وارنٹ گرفتاری جاری کردیئے، عدالت نے سات نومبر تک ملزمان کو گرفتار کرکے پیش کرنے کا حکم دے دیا۔