لاہور ہائیکورٹ،بانی پی ٹی آئی کیخلاف درج مقدمات کی تفصیلات کیلئے درخواست دائر

لاہور ( کورٹ رپورٹر )لاہور ہائیکورٹ میں بانی پی ٹی آئی کے خلاف درج مقدمات کی تفصیلات کے لیے درخواست دائر کردی گئی، بہن نورین نیازی نےدرخواست میں موقف اپنایا کہ بانی پی ٹی آئی کو مسلسل سیاسی انتقام کا نشانہ بنایا جا رہا ہے ، آئے روز مقدمات میں بانی پی ٹی آئی کو ملوث کیا جَاتا ہے ، ہر شہری کا حق ہے کہ اسے اپنے خلاف مقدمات کا علم ہو ، بانی پی ٹی آئی کے خلاف نامعلوم مقدمات درج ہیں، استدعا ہےکہ بانی پی ٹی آئی کے خلاف تمام مقدمات کی تفصیل فراہم کرنے کا حکم دیا جائے ، کسی بھی نامعلوم مقدمے میں گرفتار نہ کرنے کا حکم دیا جائے ۔