کسٹم سروس بنیادی سکیل19اور20کے تبدیل ہونیوالےافسران موجودہ جائے تعیناتی سے فارغ

اسلام آباد(رپورٹ حنیف خالد)فیڈرل بورڈ آف ریونیو کے چیئرمین راشد محمود لنگڑیال نے 2نومبر 2024کو ہفتے کے روز نوٹیفکیشن اپنے سیکرٹری منیجمنٹ /ایچ آر سعد عطا ربانی سے ان تمام افسروں کو فارغ کرنے کے احکامات جاری کردیئے ہیں جنہوں نے یکم نومبر 2024کو ایف بی آر کی طرف سے جاری کردہ نوٹیفکیشن نمبر C-1/2024/2778کے ذریعے تبدیل کئے جانے والے پاکستان کسٹم سروس کے بنیادی سکیل نمبر 20کے 23کلکٹروں/ڈائریکٹروں اور بنیادی سکیل 19کے 12ایڈیشنل کلکٹروں /ایڈیشنل ڈائریکٹروں کے بارے میں دو نومبر ہفتے کو نوٹیفکیشن نمبر C-1/2024-2779جاری کیا ہے جس میں احکامات صادر کر دیئے گئے کہ پاکستان کسٹم کے تمام افسران جن کا تبادلہ اور تعیناتی کا نوٹیفکیشن یکم نومبر 2024کے ذریعے کیا گیاسوائے ان افسران کےجنہوں نے پہلے ہی اپنے عہدے چھوڑ دیئے فوری طور پر اپنی موجودہ تعیناتی کی جگہ سے فارغ سمجھے جائیں۔ پاکستان کے گزٹ پارٹ ون میں شائع کرنے کیلئے ہفتے کو جاری ہونے والے ایف بی آرکے نوٹیفکیشن کی نقول ریونیو ڈویژن کے سیکرٹری /چیئرمین ایف بی آر کے علاوہ ایف بی آر کے تمام ممبرز تمام ڈائریکٹرز جنرل تمام چیف کلکٹرز،سیکرٹری ایف بی آر، اے جی پی آر اسلام آباد اور دوسرے متعلقہ عہدیداروں کو بھجوادی گئی ہیں۔