سپریم کورٹ،نظربند 3 غیر ملکیوں کو فوری ڈی پورٹ کرنے کا حکم

لاہور ( کورٹ رپورٹر ) سپریم کورٹ لاہور رجسٹری میں وفاقی نظر ثانی بورڈ نے نظربند 3 غیر ملکیوں کو فوری طور پر ڈی پورٹ کرنے کا حکم دے دیا، بورڈ نے نظربند3 بھارتی قیدیوں کو قونصلر رسائی دینے کا حکم دیتے ہوئے22 غیر ملکیوں کی نظر بندی میں توسیع کردی،بورڈ نے قیدیوں کو بہترین طبی سہولیات کی فراہمی کی ہدایت کردی، جسٹس اطہر من اللہ کی سربراہی میں وفاقی نظر ثانی بورڈ کا اجلاس ہوا، ارکان میں لاہور ہائیکورٹ کے جسٹس صداقت علی خان ،بلوچستان ہائیکورٹ کے جسٹس ظہیر الدین کاکڑ موجود تھے،بورڈ نے نائجرین ابوکا سیموئیل سمیت دو بنگلہ دیشیوں کو فوری ڈی پورٹ کرنے کا حکم دیا،بورڈ نے تین بھارتی شہریوں آنند،بکاس چاٹری اور رام داس کو قونصلر رسائی دینے کی ہدایت کی ۔