میں نے اسٹیبلشمنٹ سے رابطوں کی تصدیق نہیں کی، بیرسٹر سیف

ایبٹ آباد(پی پی آئی) خیبر پختونخوا حکومت کے ترجمان بیر سٹر سیف نے کہا ہے کہ میں نے اسٹیبلشمنٹ سے رابطوں کی تصدیق نہیں کی، ڈیڑھ ماہ تک بانی پاکستان تحریک انصاف عمران خان کے تمام کیسز ختم ہوجائیں گے۔ مشیر اطلاعات نے ایبٹ آباد یونین آف جرنلٹس سپورٹس گالا افتتاحی تقریب میں میڈیا سے بات چیت کرتے ہوئے یہ بات کہی ۔انہوں نے کہا کہ حکومت ظلم و جبر کرکے تھک چکی ہے،جیل میں قید عمران خان کو توڑنے کی حکومتی کوششیں ناکام ہو چکی ہیں۔ انہوں نے کہا کہ خیبر پختونخواہ حکومت پی آئی اے خریداری کر سکتی ہے،معاشی طور پر حکومت مضبوط ہے،پی آئی اے کو باہر فروخت کرنے سے بہتر ہے پاکستان میں ہی رہے۔ مشیر اطلاعات کا مزید کہنا تھا کہ بشری بی بی کی رہائی عدالت کے حکم پر ہوئی کیسز اب بھی چل رہے ہیں ،صوبائی لیول پر ہم بجلی کی قیمت کم کریں گے،صوبہ کی معاشی حالت بہتر کریں گے۔