فائز عیسیٰ کے ساتھ پیش آئے واقعے کا مجھ سے تعلق نہیں، صاحبزادہ جہانگیر

لندن ( مرتضیٰ علی شاہ ) بانی پی ٹی آئی کے 55سالہ پرانے دوست اور سابق مشیر صاحبزادہ جہانگیر نے کہا ہے کہ سابق چیف جسٹس قاضی فائز عیسی ٰکے ساتھ پیش آئے واقعہ کا مجھ سے کوئی تعلق نہیں۔ سابق چیف جسٹس کے خلاف پرامن احتجاج کی کال دی تھی، ان کی روانگی سے پہلے میں چلا گیا تھا۔ میں نے لوگوں کو مظاہرے کیلئے مدعو کیا تھا۔ میں کسی سے نہیں کہا تھا کہ کسی کی موٹر جلادیں۔ جیو نیوز سے گفتگو میں صاحبزادہ جہانگیر کا کہنا تھا کہ میں تو چلا گیا تھا امن و امان قائم کرنے کی ذمہ داری میری نہیں پولیس کی ہے۔ایسے واقعات نہیں ہونے چاہئیں لیکن جس قسم کا رویہ یہ لوگ پاکستان میں روا رکھتے ہیں، اس کے نتیجے میں انھیں لوگوں کے غصے کا سامنا کرنا پڑے گا، یہاں کسی گاڑی کا شیشہ کبھی نہیں ٹوٹا، گاڑی تیزی سے چلاکر اس کی اسٹوری بنالیں تو وہ دوسری بات ہے۔