ملک ٹریک پر آرہا ہے، شہباز اور مریم اچھا کام کررہے ہیں، نواز شریف

لندن (نیوز ایجنسیز)پاکستان مسلم لیگ ن کے قائد نواز شریف نے کہا ہے کہ ملک ٹریک پر آرہا ہے ، شہباز اور مریم اچھا کام کررہے ہیں ، وزیراعظم محنت کررہے ہیں ، ملک کی حالت پہلے سے بہتر ہوئی ہے ۔ تفصیلات کے مطابق پاکستان مسلم لیگ ن کے قائد نواز شریف امریکا سے واپس لندن پہنچ گئے ہیں۔لندن میں نواز شریف نے میڈیا سے گفتگو کرتے ہوئے کہا کہ شہباز شریف محنت کررہے ہیں، ملک کی حالت پہلے سے بہتر ہوئی ہے۔انہوں نے کہا کہ حکومت کی کوششوں کی وجہ سے مہنگائی میں کمی آئی ہے۔