کراچی(اسٹاف رپورٹر) ٹیسٹ فارمیٹ میں انگلش کرکٹ ٹیم کو زیر کرنے کے بعد وائٹ بال فارمیٹ میں پاکستان کو جیت کی راہ پر گامزن کرنے کیلئے نئے ون ڈے کپتان محمد رضوان کو مشکل چیلنج کا سامنا ہے۔ عالمی چیمپئن آسٹریلیا اورپاکستان کا پہلا ون ڈے پیر کو میلبرن میں کھیلا جائے گا۔ پاکستانی ٹیم ایک سال بعد ون ڈے انٹر نیشنل کھیل رہی ہے۔ پاکستان نے کینگروز پر پوری طاقت سے حملہ آور ہونے کیلئے چار فاسٹ بولروں شاہین شاہ آفریدی، نسیم شاہ،حارث رؤف اور محمد حسنین کے ساتھ میدان میں اترنے کا فیصلہ کیا ہے، نائب کپتان سلمان علی آغا اور صائم ایوب پارٹ ٹائم اسپنر ہوں گے، میچ پاکستانی وقت کے مطابق صبح 8:30 بجے شروع ہوگا۔ قومی سلیکشن کمیٹی نے پہلے میچ کیلئے پلیئنگ کا اعلان کردیا ہے۔ بابر اعظم اور شاہین شاہ آفریدی، محمد حسنین کی بھی واپسی ہوئی ہے جنہوں نے آخری بار جنوری 2023 میں نیوزی لینڈ کے خلاف ون ڈے میچ کھیلا تھا۔ صائم ایوب اور عرفان نیازی ون ڈے ڈیبیو کریں گے۔ محمد رضوان کا کہنا ہے کہ بابر اعظم، شاہین شاہ آفریدی اور نسیم شاہ کی بہت پُرفارمنس رہی ہیں۔ ماضی میں جو کچھ ہوا اسے بھول کر آگے بڑھنا ہے، کھلاڑیوں پر برا وقت آتا ہے ، میں بھی انہیں جتنا سپورٹ ہوسکا کروں گا۔ پہلے ون ڈے میچ کیلئے ٹیم محمد رضوان (کپتان)، سلمان علی آغا (نائب کپتان)، عبداللہ شفیق، صائم ایوب، بابر اعظم، کامران غلام، محمد عرفان خان، شاہین شاہ آفریدی، نسیم شاہ، حارث رؤف اور محمد حسنین پر مشتمل ہے۔ ادھر آسٹریلیا نے بھی گیارہ کھلاڑیوں کا اعلان کردیا ہے جس میں پیٹ کمنز (کپتان)، جیک فریزر میکگورک، میتھیو شارٹ، اسٹیو اسمتھ، جوش انگلیس، مارنس لیبوشین، آرون ہارڈی، گلین میکسویل، شان ایبٹ، مچل اسٹارک، ایڈم زمپا شامل ہیں۔ فخر زمان اور امام کے حوالے سے محمد رضوان نے کہا کہ دونوں کرکٹرز کی کارکردگی شاندار رہی ہے، فخر تیزی سے رنز کرتے ہیں ہمیں ان کی ضرورت ہے۔ واضح رہے کہ آسٹریلیا میں پاکستان کا ون ڈے ریکارڈ خراب ہے ۔ پاکستان ٹیم کینگروز کو ان کی سر زمین پر صرف ایک ہی ون ڈے سیریز ہرا سکی ہے۔ دونوں ٹیموں نے 104 میچز کھیل رکھے ہیں جس میں آسٹریلیانے 70 اور پاکستان نے 34 جیتے ہیں ، ایک میچ ٹائی جبکہ 3 میچز بے نتیجہ رہے۔
کراچی چیف آف آرمی اسٹاف انٹر کلبز ہاکی چیمپئن شپ میں اتوار کو سول کوارٹرز ہاکی کلب پشاور نے کریسنٹ ہاکی کلب...
کراچیلاہور میں پاکستان کرکٹ بورڈ کے چیئرمین محسن نقوی سے وزیر کھیل پنجاب فیصل کھوکھر نے ملاقات کی ۔ اس دوران...
کراچی پاکستان کرکٹ بورڈ کا کہنا ہے کہ فاسٹ بولر حارث رؤف کی انجری سنجیدہ نہیں وہ آئی سی سی چیمپئنز ٹرافی تک...
کراچی کپتان روہت شرما کی میچ وننگ سنچری کی بدولت بھارت نے انگلینڈ کو دوسرے ون ڈے میں چار وکٹ سے شکست د ے کر...
کراچی فرانس میں انٹرنیشنل تائیکوانڈو چیمپئن شپ میں پاکستان کےسید ابو ہریرہ شاہ نے تیسری پوزیشن حاصل کرلی۔...
کراچی پاکستان پیڈل فیڈریشن کے زیر اہتمام دس لاکھ روپے انعامی مالیت کی قومی پیڈل چیمپئن شپ روواں سال 11 اپریل...
کراچی پاکستان کی بال ٹیمیں رواں سال 24 انٹر نیشنل مقابلوں میں حصہ لے گی، جونیئر ٹیم اکتوبر میں بحرین میں یوتھ...
کراچی نیشنل اسٹیڈیم کراچی کی نئی بلڈنگ کی افتتاحی تقریب منگل کی شام کو ہورہی ہے جس میں علی ظفر،شفقت امانت اور...