بھارتی اے کرکٹ ٹیم پر ٹیمپرنگ کا الزام عائد، امپائر نے گیند بدل دی

کراچی (اسٹاف رپورٹر) بھارتی اے کرکٹ ٹیم پر آسٹریلیا اے کے خلاف میچ میں بال ٹیمپرنگ کا الزام کا شبہ ظاہر کردیا گیا۔ آسٹریلوی میڈیا کے مطابق گیند تبدیل کرنے کے معاملے پر بھارتی کھلاڑی نے امپائر سے تلخ جملوں کا تبادلہ ہوا۔ میچ کے آخری روز گیند تبدیل کی گئی، آخری روز آسٹریلیا اے کو جیت کیلئے 86 رنز درکار تھے ۔ بھارتی کھلاڑی امپائر شان کریگ کے گرد جمع ہو کر گیند تبدیل کرنے پر سوال کرنے لگے ۔ امپائر کو اسٹمپ مائیک سے یہ کہتے ہوئے سنا گیا کہ جب آپ گیند کھرچو گے تو ہم گیند تبدیل کریں گے۔ اب اور بحث نہیں ہو گی، کھیل کا آغاز کریں جو گیند آپ کودی گئی ہے اس سے کھیلنا ہے۔ جس پر بھارتی وکٹ کیپر ایشن کیشن نے کہا کہ یہ ایک احمقانہ فیصلہ ہے۔