پاکستان ہانگ کانگ سکسز ٹورنامنٹ کے فائنل میں ناکام

کراچی (اسٹاف رپورٹر) سری لنکا نے ہانک کانگ سکسز کا ٹائٹل اپنے نام کر لیا ۔ فائنل میں پاکستان کو تین وکٹ سے شکست ہوئی۔ اتوار کومونگ کوک میں سری لنکا نے ٹاس جیت کر فیڈنگ کرنے کا فیصلہ کیا، ابتدائی اوور میں ہی گرین شرٹس کے 2 کھلاڑی پویلین لوٹ گئے۔ محمد اخلاق48 کے سوا کوئی بیٹر بولروں کا مقابلہ نہ کرسکا، کپتان فہیم اشرف 13، عامر یامین 6، آصف علی صفر جبکہ حسین طلعت ایک رن کے مہمان ثابت ہوئے۔پاکستان ٹیم 72 رنز بناکر آؤٹ ہوئی۔ دھننجایا لکشن اور تھرندو رتھنائیکے نے 2، 2 وکٹیں حاصل کیں۔ جواب میں سری لنکا نے ایک اوور قبل 3 وکٹ پر 73 رنز کا ہدف حاصل کرلیا۔ اوپنر سندُن نے 13 گیندوں پر 34 رنز ، کپتان مدھوشنکا نے 5 گیندوں پر تین چھکوں کی مدد سے 19 رنز بنائے۔ فہیم اشرف نے 2 وکٹیں حاصل کیں۔پاکستان ٹیم نے تین کیچز ڈراپ کئے ۔