پی ٹی آئی کا 9نومبر سے صوابی موٹروے سے احتجاجی تحریک شروع کرنے کا فیصلہ

چارسدہ (نمائندہ جنگ ) پاکستان تحریک انصاف پشاور ریجن کا اجلاس فضل شکور خان کی رہائش گاہ چارسدہ میں ہوا جس کی صدارت ریجنل صدر ارباب عاصم نے کی ، اجلاس میں پاکستان تحریک انصاف میں فیصلہ کیا گیا کہ پشاور جلسہ ملتوی ہونے پر احتجاجی تحریک کا آغاز 9 نومبر کو صوابی موٹر وے سے شروع کیا جائے گا جس میں صوبہ بھر کی طرح پشاور ریجن سے پارٹی کارکنان اور عوام بھر پور شرکت کرینگے ، اجلاس سے ریجنل صدر ارباب عاصم ،جنرل سیکرٹری کامران بنگش، ایم پی اے ارشد عمرزئی ، عارف احمدزئی ، ضلعی صدر عزیز اللہ خان نے خطاب کیا ، سیکرٹری اطلاعات انجینئر عادل نواز کے مطابق کرنل انعام ، حاجی ظفر خان ، بابر حان یوتھ ونگ کے جنرل سیکرٹری کامران خلیمزئی سمیت سینکڑوں کارکنوں نے شرکت کی۔