پاکستان کو سفارتی تنہائی اور معاشی بحران سے نکالنے میں اسحٰق ڈار کا اہم کردار، ڈپٹی چیئرمین سینیٹ

ٹوکیو ( عرفان صدیقی )پاکستان کو عالمی سفارتی تنہائی اور معاشی بحران سے نکالنے میں بطور وزیر خارجہ اور ڈپٹٰی پرائم منسٹر اسحق ڈار کا کردار انتہائی اہمیت کا حامل ہے یہ بات ڈپٹی چیرمین سینیٹ سردار سیدال خان ںاصر نے روزنامہ جنگ سے خصوصی گفتگو کرتے ہوئے کہی ، انھوں نے کہا کہ عمران خان کی حکومت میں جہاں پاکستان معاشی طور پر بحران کا شکار تھا وہیں عالمی سطح پر بھی پاکستان تنہا ہوچکا تھا لیکن پھر شہباز شریف کی قیادت میں ن لیگ کی حکومت نے ملک کی باگ ڈور سنبھالی جس میں پاکستان نے نہ صرف معاشی طور پر بلکہ سفارتی طور پر بھی ٹیک آف کیا ، جس میں وزیر خارجہ اسحق ڈار نے پاکستان کو عالمی تنہائی سے نکالنے کے لیے دن رات محنت کی اور پاکستان کو نہ صرف سفارتی محاز پر سرخرو کیا بلکہ اپنے معاشی تجربے کی بنیاد پر معیشت میں بہتری کے لیے بھی پیچھے رہ کر شاندار خدمات انجام دیں ہیں ، ڈپٹی چیرمین سنیٹ سردار سیدال خان نے کہا کہ گزشتہ دنوں شنگھائی کانفرنس کا پاکستان میں انعقاد اور اس میں اہم ترین عالمی رہنماوں کی شرکت اس بات کی غمازی کرتی ہے کہ پاکستان اب معاشی اور سفارتی طور پر دوبارہ ٹیک آف کرچکا ہے ، سردار سیدال خان نے کہا کہ انکا بطور سینیٹر انتخاب اور ڈپٹی چیرمین سینیٹ منتخب ہونے میں بھی اسحق ڈار کا اہم کردار ہے جبکہ میاں نواز شریف کا ان کی شخصٰت پر اعتماد ان کی زندگی کا سرمایہ ہے۔