نرگس پرتشدد معاملے میں مجھے نہ گھسیٹا جائے، ماجد بشیر بھائی جیسا ہے، مریم علی

لاہور(نمائندہ جنگ)اداکارہ نرگس پر تشدد کیس میں شامل مریم علی حسین کا کہنا ہے کہ اداکارہ نرگس پر مبینہ تشدد کے معاملے میں مجھے نہ گھسیٹاجائے۔قبل ازیں اداکارہ نرگس نےاپنے شوہرماجدبشیر پر الزام عائد کرتےمؤقف اپنایا تھاکہ انکے شوہرماجد بشیر کےمریم علی حسین کیساتھ تعلقات ہیں اور وہ مجھ سے آئے روز بڑی رقم کا مطالبہ بھی کرتے اور میری جائیداد اپنے نام کروانا چاہتے ہیں تاکہ وہ خاتون مریم کو گھرلاسکیں۔ اب مریم علی حسین نے خاموشی توڑتے ہوئے کہا ہے کہ میاں بیوی کے درمیان آپس میں سوقسم کے جھگڑے ہوتے ہیں،مجھے نہیں معلوم کہ نرگس اور انکے شوہرکے درمیان کیاجھگڑے ہیں لیکن اس معاملے میں کسی اورکوگھسیٹنااوراس پر انگلی اٹھانابالکل غلط بات ہے۔جہاں تک ماجدبشیرکی بات ہے تووہ میرے بھائی جیسے ہیں،بلکہ وہ میرے بھائی ہیں، اسی طرح نرگس بھی میرے لیے بہت زیادہ قابل احترام ہیں۔ اگر نرگس نہ رکی تو میں اسکے خلاف قانونی کارروائی کروں گی ۔