بھارتی فوج کے ہاتھوں ایک اور کشمیری نوجوان شہید

سرینگر‘ جموں (اے پی پی‘ آئی این پی)مقبوضہ کشمیرمیں بھارتی فوجیوں نے اپنی ریاستی دہشت گردی کی تازہ کارروائی میں ضلع کپواڑہ میں ایک اور کشمیری نوجوان کو شہید کردیا۔تفصیلات کے مطابق فوجیوں نے نوجوان کو ضلع کے علاقے لولاب میں محاصرے اور تلاشی کی کارروائی کے دوران ایک جعلی مقابلے میں شہید کیا۔آخری اطلاعات آنے تک علاقے میں فوجی آپریشن جاری تھا۔اس سے قبل منگل کو فوجیوں نے ایک اورکارروائی میں ضلع بانڈی پورہ کے علاقے کیٹسن میں ایک نوجوان کو شہید کیا تھا۔