نومبر 1947کو ہمیشہ سیاہ دن کے طور پر یاد رکھا جائیگا،ایاز صادق

اسلام آباد(این این آئی)سپیکرقومی اسمبلی سردار ایاز صادق ن شہداء جموں کو خراج عقیدت پیش کرتے ہوئے کہا ہے کہ شہداء جموں کی قربانیوں کو تاریخ میں ہمیشہ سنہری حروف میں یاد رکھا جائے گا۔بدھ کوسپیکر نے یوم شہداء جموں کے موقع پر اپنے پیغام میں کہاکہ6نومبر1947کو تاریخ میں ہمیشہ ایک سیاہ دن کے طور پر یاد رکھا جائے گا۔سانہوں نے کہاکہ 6 نومبر 1947 کے دن مہاراجہ ہری سنگھ کی جابر افواج نے پاکستان کی جانب ہجرت کرنے والے دو لاکھ سے زیادہ نہتے کشمیریوں کو شہید کیا،شہداء جموں نے حق خود ارادیت کے حصول کیلئے اپنی جانوں کے نذرانے پیش کیے انہوں نے کہاکہ یوم شہداء جموں کی قربانیاں رائیگاں نہیں جائیں گی،یوم شہداء جموں کی قربانیوں کو تاریخ میں ہمیشہ سنہری حروف میں یاد رکھا جائے گا۔