مذاکرات کے بعد لندن انڈر گرائونڈ ٹیوب کی ہڑتال موخر

لندن (پی اے) یونین نے مذاکرات کے بعد لندن انڈر گرائونڈ ٹیوب کی ہڑتال موخر کردی۔ ہڑتال جمعرات سے شروع ہونا تھی، اس کے ساتھ ہی منگل کو بھی واک آئوٹ کرنے کا منصوبہ تھا۔ اسلیف یونین کا کہنا ہے کہ لندن انڈر گرائونڈ کی انتظامیہ نے اسے تنخواہوں سے متعلق ایک پہلے سے بہتر آفر کی ہے، اب اس آفر پر جمعرات کو یونین کے ارکان کیساتھ غور کیا جائے گا۔ ٹرانسپورٹ فار لندن کے Claire Mann کا کہنا ہے کہ ہمیں یقین ہے کہ ہم نے اپنی ٹریڈ یونینوں کو ایک ایسی پیشکش کی ہے جو منصفانہ، بہتر اور ہمارے ساتھیوں کیلئے اور لندن کیلئے اچھی ہے اور ہم اپنی ٹریڈ یونینوں پر زور دیتے ہیں کہ وہ ہمارے ساتھ کام جاری رکھیں۔ اسیلف سے تعلق رکھنے والے فن برینن نے کہا کہ یونین ʼخوشʼ ہے کہ اس وقت ہڑتال کی کارروائی کو موخردیا گیا ہے۔ انہوں نے کہا کہ وہ جمعرات کی میٹنگ سے قبل تک مزید تفصیلات ظاہر نہیں کرسکتے۔ جمعہ کو آر ایم ٹی یونین نے ٹی ایف ایل کی طرف سے تنخواہ کی پیش کش کے بعد اپنی مجوزہ ہڑتال ختم کردی تھی۔