بیورو کر یسی تقرر و تبا دلے،نبیلہ عمر جوائنٹ سیکریٹری انسانی حقوق تعینات

اسلام آباد( رانا غلام قادر)وفاقی بیورو کر یسی میں تقرر و تبا دلے ، اسٹیبلشمنٹ ڈویژن نے احکامات کے باضابطہ نوٹیفکیشن جاری کر دیے ۔ جوائنٹ سیکریٹری وزارتِ انسانی حقوق طارق محمود کا تبادلہ کر کے اُنہیں اسٹیبلشمنٹ ڈویژن رپورٹ کرنے کی ہدایت کی گئی جبکہ نبیلہ عمر کو جوائنٹ سیکریٹری وزارتِ انسانی حقوق تعینات کیا گیا ۔ اسسٹنٹ ڈائریکٹرBISPابراہیم کی خدمات بلوچستان واپس ، ڈپٹی کمشنر ریونیو اتھارٹی عرفان حیدر کی ڈیپوٹیشن میں توسیع کر دی گی ، نبیلہ عمر اسٹیبلشمنٹ ڈویژن میں او ایس ڈی تھیں۔ گریڈ 20 کے دونوں افسران کا تعلق سیکریٹریٹ گروپ سے ہے۔ ریاضی کی لیکچرر سعیدہ بی بی کا ڈیپوٹیشن پر محکمہ ہائر ایجوکیشن خیبر پختونخواہ حکومت سے فیڈرل ڈائریکٹوریٹ آف ایجوکیشن اسلام آباد اور ہسٹری کی ایسوسی ایٹ پروفیسر عائشہ بی بی کا ڈیپوٹیشن پر محکمہ ہائر ایجوکیشن خیبرپختونخواہ حکومت سے فیڈرل ڈائریکٹوریٹ آف ایجوکیشن تبادلہ کیا گیا ۔