ڈسکوز نے صارفین سے8ارب70کروڑبٹورنے کی منظوری مانگ لی

اسلام آباد( اسراراحمد)بجلی کی تقسیم کارکمپنیوں ڈسکوز نےنیپرا سے 8 ارب 70 کروڑروپے پاکستان بھر میں صارفین سے 2024-25 کی پہلی سہ ماہی میں میں مختلف ایڈجسٹمنٹس کی مد میں وصول کرنے کی منظوری طلب کی ہے۔ اضافی چارجز پر 18فیصد جی ایس ٹی سے صارفین پر مزید 1.566 ارب کابوجھ آئے گا،اوربھی کئی ٹیکس ہیں جوڈسکوز کی نااہلیوں کی وجہ سے صارفین کو ادا کرنا پڑیں گے۔ اس وصولی کا بڑا حصہ یعنی 8 ارب روپے سے زائدرقم صارفین سے کیپسٹی چارجز ( بجلی بنانے کی صلاحیت کے باوجود بجلی نہ خریدنے کے اخراجات) کی مد میں بجلی پیدا کرنے کی نجی کمپنیوں کو ادا کیے جائیں گے۔