کے پی حکومت کا IG اسلام آباد کیخلاف مقدمہ درج کرنیکا فیصلہ

پشاو(ایجنسیاں،مانیٹرنگ ڈیسک) خیبرپختونخوا حکومت نے آئی جی اسلام آباد کے خلاف ایف آئی آر درج کرانے کا فیصلہ کر لیا،کے پی ہائوس میں توڑ پھوڑ،چوری ،دہشتگردی دیگر دفعات کے تحت FIR میں599اہلکار بھی نامزد کئے جائینگے۔وزیر اعلیٰ خیبر پختونخوا علی امین گنڈا پور کی زیر صدارت کابینہ اجلاس میں آئی جی اسلام آباد کے خلاف ایف آئی آر درج کرانے کا فیصلہ کیا گیا۔کابینہ اراکین نے اجلاس کے دوران گفتگو کرتے ہوئے کہا کہ اسلام آباد میں احتجاج کے دوران پی ٹی آئی کارکنوں پر آنسو گیس شیلنگ اور تشدد کیا گیا۔اجلاس میں وزیراعلیٰ نے سیاسی صورتحال پر کابینہ اراکین کو اعتماد میں لیا جبکہ اہم بیٹھک میں الیکشن کمیشن کے خلاف رٹ پٹیشن دائر کرنے کی بھی منظوری دی گئی۔