پاکستانی سرحد کیساتھ ایرانی فورسز کا آپریشن،18خود کش بمبار ہلاک

کوئٹہ ( نیٹ نیوز) پاکستانی سرحد کیساتھ ایرانی فورسز کا آپریشن،18 خود کش بمبار ہلاک،آپریشن راسک، چاہ بہار اور پرواد کے علاقوں میں کیا گیا، عسکریت پسند آئل ٹینکر ڈرائیوروں کے بھیس میں داخل ہوئے،ایرانی فورسز کی جانب سے صوبہ سیستان اور بلوچستان میں سرحد پار آپریشن کے بارے میں متضاد اطلاعات سامنے آئی ہیں، جن میں ایرانی حکام نے دعویٰ کیا ہے کہ اہداف افغان- تاجک عسکریت پسند تھے، جبکہ دیگر ذرائع کا کہنا ہے کہ وہ اسمگلر ہو سکتے ہیں۔ ایک رپورٹ کے مطابق ایرانی حکام کا کہنا ہے کہ 18 افغان۔تاجک ’خودکش بمباروں ‘ کو سیکورٹی فورسز نے راسک، چاہ بہار اور پرواد کے علاقوں میں ایک آپریشن میں ہلاک کر دیا۔ ایرانی پاسداران انقلاب کے بریگیڈیئر جنرل محمد پاکپور کا کہنا تھا کہ عسکریت پسند آئل ٹینکر چلانے والوں کے بھیس میں ایران میں داخل ہوئے۔