خود اور اپنے اہل خانہ کو جہنم کی آگ سے بچائو ‘علماء

مانگا منڈی،چوہنگ ( نامہ نگاران ) رائیونڈ سالانہ عالمی تبلیغی اجتماع کے دوسرے مرحلہ کاآغاز جمعرات کو بعد نماز عصر امیر جماعت مو لانا نذرالر حمان کے بیان سے شروع ہو گیا،انہوں نے اپنے بیان میں کہا کہ اے ایمان والو اپنے آپ کو اور اہلخانہ کو آگ سے بچاؤ،جس کا ایندھن انسان اور پتھر ہونگے، تماری یہ آگ جس کو آدم کی اولاد جلاتی ہے، جہنم کی آگ کا سترواں حصہ ہے، آپ ؐنے فرمایا لوگووہ اس آگ سے69حصے زیادہ ہے اور ہر حصہ تمہاری اس آگ کی طرح جلانے والا ہے، اے اللہ جس طرح تونے ہمیں خوبصورت بنایا اور ہمارے اندر کا کردار بھی خوبصورت بنادے،فانی زندگی ہے ابدی زند گی کی فکر کرنے کی توفیق عطا فرما ، مولانا ابراہیم دیولہ نے کہا کہ اس نیک مشن کا حصہ بن کر اللہ سے نا طہ جوڑ لو دین سیکھنے اور سیکھانے والے بن جاؤ،اللہ نے اپنا دروازہ توبہ والوں کیلئے ہمیشہ کھلا رکھا ،اس کو کبھی بند نہیں کیا، توبہ کرکے پکے اور سچے مسلمان بن جاؤ، تبلیغی جماعت ایک خاموش اسلامی انقلا ب ہے، رائیونڈ میں دین کا کا ایک چھوٹا سا پودالگایا گیا ، آج ایک تن آور درخت ہی نہیں بین الاقوامی اور حج بیت اللہ شریف سے دوسرا بڑا اجتماع کا درجہ رکھتا ہے۔