سوزن سمیرال وائٹ ہاوس کی پہلی خاتون چیف آف اسٹاف مقرر

کراچی (نیوز ڈیسک) امریکا کے نو منتخب صدر ڈونلڈ ٹرمپ نے اعلان کیا ہے کہ ان کی انتخابی مہم کی منیجر سوزن سمیرال وائلز وائٹ ہاؤس کی چیف آف سٹاف کے طور پر خدمات انجام دیں گی۔ ٹرمپ کی انتخابی مہم کے مطابق وائلز اس عہدے پر کام کرنے والی پہلی خاتون ہوں گی۔ ٹرمپ نے ایک بیان میں کہا کہ وائلز نے ’امریکی تاریخ کی سب سے بڑی سیاسی فتح حاصل کرنے میں میری مدد کی۔‘ وائٹ ہاؤس کا چیف آف سٹاف ہر صدر کی انتظامیہ میں اہم کردار ادا کرتا ہے۔ وہ بنیادی طور پر وائٹ ہاؤس کے مینیجر کے طور پر کام کرتے ہیں اور صدر کے عملے کو منظّم رکھنے کے ذمہ دار ہیں۔ چیف آف سٹاف صدر کے ایگزیکٹو آفس کے ذریعے عملے کی قیادت کرتا ہے اور تمام روزمرہ کے آپریشنز اور عملے کی سرگرمیوں کی نگرانی کرتا ہے۔ وہ پالیسی امور پر صدور کو بھی مشورہ دیتے ہیں اور پالیسی پر عمل در آمد کے لیے ہدایت اور نگرانی کے ذمہ دار ہیں۔