صنعتی اداروں میں نئے لیبر یونین قوانین کاروبار متاثر کرینگے

لاہور(اپنے نامہ نگار سے) لاہور چیمبر کے صدر میاں ابوذر شاد نے کہا ہے کہ لیبر قوانین اس طرح متوازن ہونے چاہئیں کہ ان سے صنعتکاروں اور ورکرز دونوں کو فائدہ ہو۔ تمام پالیسیاں سٹیک ہولڈرز کی مشاورت سے تشکیل دی جائیں ۔ انہوں نے کہا کہ چیمبر انٹرنیشنل لیبر آرگنائزیشن کے معیارات پر عمل درآمد پر زور دیتا ہے جس سے پاکستان کو عالمی تجارت بڑھانے میں مدد ملے گی۔نئے کوڈ میں لیبر یونینوں سے متعلق نکات پر میں مزدوروں کو ایک سے زائد یونینز میں شمولیت کی اجازت دینا اور نئی یونینز کے قیام کے لیے نرم شرائط رکھنے سے صنعتی استحکام پر منفی اثرات مرتب ہو نگے۔ ورکرز پر دوران کام موبائل استعمال کرنے پر پابندی عائد کی جائے ۔