مہنگائی میں0.24فیصد اضافہ ،21اشیا مہنگی،10کی قیمتوں میں کمی،ادارہ شماریات

لاہور،اسلام آباد(مانیٹرنگ ڈیسک/جنگ نیوز) ملک میں مہنگائی کی شرح میں اضافے کا رجحان مسلسل جاری ہے اور حالیہ ہفتے مہنگائی کی شرح میں 0.24فیصد اضافہ ہوا ہے۔ 21 اشیائے ضروریہ کی قیمتوں میں اضافہ اور 10 ضروری اشیا کی قیمتوں میں کمی جبکہ 20اشیا کی قیمتوں میں استحکام رہا۔وفاقی ادارہ شماریات کی جانب سے جاری کردہ مہنگائی کے ہفتہ وار اعداد وشمار کے مطابق حالیہ ہفتے کے دوران آلو ، انڈے، پیاز، ایل پی جی، صابن ، ٹماٹر، گھی، پیٹرول اور ڈیزل کی قیمت میں اضافہ ہوا۔اسی طرح دال چنا، چینی، چکن، دال ماش، دال مسور اورگڑ کی قیمت میں کمی واقع ہوئی ہے۔