FBR، سینئر افسروں کی رپورٹنگ لائن کا تعین کر دیا،نوٹیفکیشن جاری

اسلام آباد (رپورٹ :حنیف خالد) چیئرمین فیڈرل بورڈ آف ریونیو و سیکرٹری ریونیو ڈویژن کی منظوری سے ایف بی آر نے سینئر افسروں کی رپورٹنگ لائن کا تعین کر دیا،جس کے مطابق بورڈ نے کون سے افسران اپنے سے کس سینئر افسر کو رپورٹ کیا کرینگے۔ نوٹیفکیشن کے مطابق ڈائریکٹر جنرل (لا) ممبر لیگل ان لینڈ ریونیو کو رپورٹ کیا کریگا تا ہم ڈائریکٹریٹ آف لا کے ڈائریکٹر صاحبان ڈا ئریکٹر جنرل (لا) کو رپورٹ کیا کر ینگے ۔ ڈائریکٹر جنرل سیلز ٹیکس ایف بی آر ممبر ان لینڈ ریونیو آپریشنز سیلز ٹیکس انکم ٹیکس فیڈرل ایکسائز ڈیوٹی کو رپورٹ کیا کریگا۔ چیف سیلز ٹیکس آپریشنز اور چیف آئی آر انیلیسز ڈائریکٹر جنرل سیلز ٹیکس ایف بی آر ہیڈ کوارٹر کو رپورٹ کیا کرینگے۔ یہ اہم نوٹیفیکیشن سیکرٹری ڈویژن نے جاری کر کے اسکی نقول سپیشل اسسٹنٹ ٹو چیئرمین تمام ممبر صاحبان تما م ڈائریکٹرز جنرل تمام چیف کمشنرز ان لینڈ ریونیو چیف مینجمنٹ چیف ایڈمن تمام سیکرٹریوں اور سیکنڈ سیکرٹری ایڈمن ہیڈ کوارٹرز کو بھجوا دی گئی ہیں۔