ریلوے کےگریڈ 20 اور 19 کے 8 افسروں کے تقرر و تبادلوں کے احکامات جاری

لاہور ( جنرل رپورٹر ) پاکستان ریلوے حکام نے گریڈ 20 اور 19 کے 8 افسروں کے تقرر و تبادلوں کے احکامات جاری کر دیئے ہیں وزارت ریلویز سے جاری ہونیوالے نوٹیفکیشن کے مطابق گریڈ 20 کے ریلوے افسر انعام اللہ کو ڈی ایس ریلوے پشاور تعینات کر دیا گیا ہے اسی طرح ،فاروق اقبال ملک کو چیف مارکیٹنگ منیجر ریلوے، اعزاز حسین سید کو منیجنگ ڈائریکٹر کنکریٹ سلیپر فیکٹری کا اضافی چارج دیدیا گیا ،مقصود احمد جان کو ڈائریکٹر جنرل آپریشن وزارت ریلوے، گریڈ 19 کے ریلوے افسر فیاض احمد خان کو ڈائریکٹر جنرل فیول کنٹرول کوالٹی مانیٹرنگ،فاروق انور سپرا کو ڈائریکٹر جنرل پبلک ریلیشنز ،شاہد حسین سمو کو چیف کسٹمر فسیلیٹیشن منیجر ،ریاض حسین زرداری کو چیف کنٹرولر آف سٹور ریلوے ہیڈکوارٹر تعینات کر نے کے احکامات جاری کئے گئے ہیں جن پر فوری عمل درآمد کیاجائیگا ۔