جسٹس فائز پر حملہ، 23پاکستانیوں کے نام پاسپورٹ کنٹرول لسٹ میں شامل

اسلام آباد (آصف بشیر چوہدری )سابق چیف جسٹس آف پاکستان قاضی فائز عیسیٰ پر لندن میں حملہ کرنے والے 23پاکستانیوں کے نام پاسپورٹ کنٹرول لسٹ میں ڈال دیے گئے۔ نواز شریف کی لندن رہائش گاہ کے باہر احتجاج کیلئے شہرت پانے والے شایان علی اور بہن کے کینسر کے علاج کیلئے اجازت لیکر جانے والی بیرون ملک جانے والی پی ٹی آئی کی سابق رکن قومی اسمبلی ملائکہ بخاری کے نام بھی پی سی ایل میں شامل کر لیے گئے ہیں۔ ان تمام پاکستانیوں کی حوالگی کے لیے برطانوی حکومت کو خط بھی لکھ دیا گیا ہے۔ مذکورہ افراد میں سے کوئی بھی فرد پاکستان کی سرزمین پر آنے کی صورت میں پاکستان میں درج مقدمے میں گرفتار کر لیا جائیگا۔