کشمیر کا مسئلہ سیاسی تو تھا اب اس کے ساتھ آئینی بھی ہوگیا،تجزیہ کار

کراچی (ٹی وی رپورٹ) جیوکے پروگرام ”رپورٹ کارڈ“ میں میزبان مبشر ہاشمی کے سوال مقبوضہ کشمیر اسمبلی میں آرٹیکل370 کی بحالی کی قرارداد منظور،ایوان میں ہنگامہ آرائی،کیا مقبوضہ کشمیر اسمبلی آرٹیکل370 بحال کرانے میں کامیاب ہوسکے گی؟ کا جواب دیتے ہوئے تجزیہ کارفخر درانی نے کہا کہ کشمیر کا مسئلہ سیاسی تو تھالیکن اب اس کے ساتھ ایک آئینی مسئلہ بھی ہوگیا ہے، تجزیہ کاربینظیر شاہ نے کہا کہ مقبوضہ کشمیر کی عوام کیا چاہتی ہے انہوں نے اس الیکشن میں بہت واضح طو رپر بتا دیا ہے، تجزیہ کارمظہر عباس نےکہا کہ بی جے پی کی سیاست نفرت پر مبنی ہے کانگریس اور ان کے اتحادی جب تک وہاں الیکشن جیتیں گے اس وقت تک یہ چیز ہونا بہت مشکل ہے، تجزیہ کار ارشاد بھٹی نےکہا کہ مجھے نہیں ایسا لگتا کہ آرٹیکل370 بحال کرانے میں کامیاب ہوسکیں۔