کچہ آپریشن جاری، لنڈ گینگ کے سرغنہ سمیت 2ڈاکوہلاک

لاہور(کورٹ رپورٹر)پنجاب پولیس کا کچہ میں آپریشن جاری، ترجمان کے مطابق رحیم یار خان اور راجن پور پولیس کی مشترکہ کارروائی میں کچہ بنگلہاچھا میں لنڈ گینگ کا سرغنہ ڈاکو شاہد لنڈ ہلاک ہوگیا، جس کے سر کی قیمت ایک کروڑ روپے مقرر تھی، ہلاک ڈاکو اہلکاروں کی شہادت، دہشتگردی، اغوا برائے تاوان، پولیس پر حملوں، قتل ،ڈکیتی جیسی درجنوں سنگین وارداتوں میں اشتہاری تھا۔دوسری جانب رحیم یار خان پولیس نے سندھ کے موضع پکا چانڈیہ سے ملحقہ موضع داعوالہ بستی سعید عباسی کے عقب میں سرچ آپریشن کے دوران مقابلے میں کچہ کےاندھڑ گینگ کے سرگرم رکن خطرناک ڈاکوحیدری ملنگ کوکیفرکردار تک پہنچادیا ،بھاری مقدار میں اسلحہ برآمد کرلیا۔