مسئلہ کشمیر پر ایران کی بھرپورحمایت کیلئے ایران کے مشکور ہیں ،خواجہ آصف

اسلام آباد (اے پی پی) وزیر دفاع ، دفاعی پیداوار خواجہ محمد آصف نے کہا ہے کہ مقبوضہ کشمیر کے عوام کی منصفانہ جدوجہد کے لیے ایران اور سپریم لیڈر آیت اللہ خامنہ ای کی بھرپور حمایت پر شکر گزار ہیں۔وزیر دفاع سے ایران کے نائب وزیر دفاع بریگیڈیئر جنرل حجت اللہ قریشی نے ملاقات کی۔ موجودہ تعاون پر اطمینان کا اظہار اور مستقبل میں مشترکہ دلچسپی کے شعبوں میں وسیع تعاون کا عزم کیا گیا۔ وزیر دفاع نے کہا کہ دونوں ممالک میں برادرانہ تعلقات ہیں