نوشکی: محکمہ صحت کے زیراہتمام ٹیچنگ ہسپتال میں دو روزہ فری آئی میڈیکل کیمپ

نوشکی (نامہ نگار) حکومت بلوچستان محکمہ صحت کے زیر اہتمام ایم اے ایل سی کراچی کے تعاون سے میر گل خان نصیر ٹیچنگ ہسپتال میں دو روزہ فری آئی سرجری میڈیکل کیمپ کا افتتاح ڈپٹی کمشنر امجد حسین سومرو نے کیا افتتاحی تقریب سے ڈی سی امجد حسین سومرو ایم ایس ڈاکٹر ظفر اللہ مینگل آئی سرجن حماد زہری نے خطاب کرتے ہوئے کہا کہ بصارت اللہ تعالیٰ کی بہت بڑی نعمت ہے آ نکھیں اللہ تعالیٰ کی بہت بڑی نعمت ہیں انکی قدر کرنی چاہئے بینائی سے محروم لوگوں سے آنکھوں کی قدر پوچھیں مقررین نے کہاکہ صوبائی حکومت اور وزیر صحت کی کاوشوں سے نوشکی میں فری آئی سرجری میڈیکل کیمپ کا انعقاد عمل میں لایا گیا ہے آئی اسپیشلسٹ نہ ہونے اور مالی مشکلات کی وجہ سے آ نکھوں کے مریض کوئٹہ جانے کی استطاعت نہیں رکھتے تھے جس کی وجہ سےفری میڈیکل کیمپ کا انعقاد عمل میں لایا گیا۔