پاکستانی پاسپورٹ کی مزید تنزلی،دنیا میں 102ویں نمبرپر آگیا

اسلام آباد(آئی این پی)پاسپورٹ کی ورلڈ رینکنگ میں گرین پاسپورٹ کی تنزلی ہو گئی۔رینکنگ کرنے والے عالمی ادارے ہینلے اینڈ پارٹنرز کی رپورٹ کے مطابق پاکستانی پاسپورٹ مزید گراوٹ کا شکار ہوکر دنیا کے ممالک کی صف میں 102ویں نمبرپر آگیا۔رپورٹ میں صومالیہ، یمن، بنگلہ دیش، فلسطین اتھارٹی، ایتھوپیا اور لیبیا جیسے ممالک کا پاسپورٹ بھی پاکستان سے بہتر قرار پایا جنہیں 101 ویں نمبر پر رکھا گیا۔ اِن ممالک کے شہری دنیا کے 38 ممالک کا سفر بغیر ویزا کرسکتے ہیں جبکہ گرین پاسپورٹ پر دنیا کے 34 ممالک کا سفر بغیر ویزا کیا جاسکتا ہے۔