پی ٹی آئی احتجاج ،داخلی سلامتی کے اداروں کی جوابی حکمت عملی تیار

اسلام آبا د( طاہر خلیل ) پی ٹی آئی کی 24 نومبر کی نئی احتجاجی کال پر داخلی سلامتی کے ذمہ دار اداروں نے جوابی حکمت عملی تیار کر لی ۔ ذرائع نے کہا کہ عوام کو ایک بار پھر احتجاج اور فساد پراکسانے والوں سے سختی سے نمٹا جائے گا ، وسیع پیمانے پر کریک ڈائون کی تیاری بھی مکمل کر لی گئی ،قومی معیشت کو عدم استحکام کے ذریعے نقصان پہنچانے کی کوئی کوشش کامیاب نہیں ہونے دی جائے گی ، پولیس اور دیگر متعلقہ اداروں کو ہدایات جاری کر دی گئیں کہ آئین اور قانون کو ہاتھ میں لینے اور لوگوں کی آمد و رفت میں رکاوٹ پیدا کرنے والوں سے سختی سے نمٹا جائے گا۔