ایئر وائس مارشل ذیشان سعید ایڈیشنل ڈائریکٹر جنرل پاکستان ایئرپورٹ اتھارٹی مقرر

اسلام آباد( رانا غلام قادر ) وفاقی بیورو کریسی میں تقرر و تبادلے کئے گئے ہیں۔ ایڈیشنل ڈائریکٹر جنرل، پاکستان ایئرپورٹ اتھارٹی، ایئر وائس مارشل تیمور اقبال سبکدوش ہو گئے ہیں جبکہ ایئر وائس مارشل ذیشان سعید کو نیا ایڈیشنل ڈائریکٹر جنرل، پاکستان ایئرپورٹ اتھارٹی مقرر کیا گیا ہے۔ وِنگ کمانڈر محمد سلمان خان ایڈیشنل ڈائریکٹر (ٹیکنیکل انویسٹیگیشن) بیورو آف ایئرکرافٹ سیفٹی انویسٹیگیشن مقرر کئے گئے ۔ محمد سلمان خان بطور ٹیکنیکل انویسٹی گیٹر، ایڈیشنل ڈائریکٹر (ٹیکنیکل انویسٹیگیشن) خدمات سر انجام دیں گے۔ اسیکنڈمنٹ کی بنیاد پر کی گئی دونوں فوری و تاحکمِ ثانی نافذالعمل ہوں گے۔ دونوں تقرریوں کی منظوری وزیراعظم نے دی ہے۔ اسٹیبلشمنٹ ڈویژن میں تقرری کے منتظر پاکستان ایڈمنسٹریٹو سروس کےگریڈ 17 کے افسر محمد ابراہیم شاہ کوسول سروسز اکیڈمی لاہور میں تعینات کیا گیا ۔اسٹیبلشمنٹ ڈویژن نے ان تقرر وتبا دلوں کے باضابطہ نوٹیفکیشن جاری کر دیے ہیں۔