لوک میلہ، ثقافتی شام میں خیبرپختونخوا فوک گلو کاروں کا فن کا مظاہرہ

اسلام آباد ( خصوصی رپورٹر) لوک ورثہ کے زیرِ اہتمام جاری لوک میلے میں ملک کی لوک ثقافت دیکھنے کے لئے راولپنڈی اسلام آباد کے شہری بڑی تعداد میں آرہے ہیں۔ خیبرپختونخوا کی مقامی لوک ثقافت پر روشنی ڈالنے والی ثقافتی شام بھی سرگرمیوں کا حصہ تھی جس میں خیبرپختونخوا سے تعلق رکھنے والے مشہور فوک گلوکاروں جام بوائز، شیرس خان، کلثوم ودود، شاہد ملنگ اور جاوید خان جہانگیری نے اپنے فن کا مظاہرہ کیا اور شائقین موسیقی سے داد وصول کی۔ میلہ اتوار 17 نومبررات 10 بجے تک جاری رہے گا۔