اغواہونیوالے پٹرول پمپ مالک کے خلاف سرقہ باالجبرکی ایف آئی آر درج

راولپنڈی (سٹاف رپورٹر)دوروزقبل مبینہ طور پر اغواہونے والے پٹرول پمپ مالک کے خلاف سرقہ باالجبرکی ایف آئی آر درج کرلی گئی ۔ تھانہ صادق آباد کو ملک عادل اکرام نے بتایا کہ میں اپنے پٹرول پمپ واقع ائر پورٹ روڈ فیصل کا لونی راولپنڈی موجود تھا کہ بروکر فرخ شاہ کے ساتھ بشارت، ارشاد اور وسیم آئے۔ بشارت نے کہا کہ مجھے صادق آباد پمپ کے لئے پٹرول درکار ہے ، 4 روپے لٹر کمیشن ہو گا۔ بشارت نے مجھ سے 11ہزار 20 لٹر پٹرول مالیتی 27لاکھ 2ہزار 878 روپے کاسودا کیا کہ پے منٹ پمپ پر خالی کرنے کے بعد کروں گا ۔میں نے اپنے ٹینکر میں 11020 لٹر پٹرول لوڈ کروایا اور ڈرائیور گل محمد اور فرخ شاہ ٹینکر لے کر صادق آباد کے لئے روانہ ہو گئے۔ جب کری روڈ پر پہنچے تو بشارت، ارشاد اور وسیم نے ٹینکر رکوایا اور بشارت نے گاڑی میں بیٹھتےہی پسٹل نکال کرڈرائیور اور فرخ شاہ سے موبائل فون چھین لئے اور ٹینکر کو فیض آباد کی طرف مڑوا دیا اور وہاں سے ترنول سے تھوڑا آگے لے جا کر مشین کے ذریعے پٹرول دوسری گاڑی میں خالی کرلیا۔بشارت کے بھائی نے الزام لگایاتھاکہ اس کے بھائی کو4پولیس والے وکیل کالونی میں اس کے گھرسے زبردستی اپنے ہمراہ لے گئے ہیں ۔