غیر قانونی کرنسی ایکسچینج اور حوالہ ہنڈی میں ملوث گینگ کا اہم رکن گرفتار

اسلام آباد (خصوصی نامہ نگار )ایف آئی اے پشاور زون نے غیر قانونی کرنسی ایکسچینج اور حوالہ ہنڈی میں ملوث گینگ کا اہم رکن ملزم عطاء اللہ کو پشاور صرافہ بازار سے گرفتار کر کے کروڑوں روپے مالیت کی کرنسی برآمد کر لی ۔ ملزم سے 23کروڑ روپے برآمدکرنسی کو دکان کے خفیہ خانوں میں چھپایا گیا تھا۔ حوالہ ہنڈی اور سونا سمگلنگ میں ملوث گینگ کے سرغنہ خالد منظور کی گرفتاری کے لئے چھاپے مارے جارہے ہیں۔ابتدائی تفتیش کے مطابق موصول شدہ زیادہ تر رقوم افغانستان سے بھیجی جارہی تھیں ۔ملزم کو گرفتار کر کے تفتیش کا آغاز کر دیا گیا ہے ۔ملزم کے دیگر ساتھیوں کے خلاف چھاپے مار ےجا رہے ہیں ۔