حکومت زیتون کی پیداوار پر توجہ دے رہی ہے،رانا تنویر حسین

14 نومبر ، 2024

اسلام آباد (خصوصی نمائندہ) وفاقی وزیر برائے نیشنل فوڈ سکیورٹی رانا تنویر حسین نے البرکہ پاکستان اولیو سمٹ 2024 سے خطاب کرتے ہوئے کہا ہےکہ حکومت ملکی طلب کو پورا کرنے اور زرمبادلہ کمانے کے لیے زیتون کی پیداوار پر توجہ دے رہی ہے جبکہ پاکستان عالمی منڈی میں زیتون کی معیاری مصنوعات برآمد کرنے کی صلاحیت رکھتا ہے۔وفاقی وزیروزیر نے کہا کہ زرعی شعبے کی ترقی کے لیے ہمیں ملک میں زرعی ترقی کو بڑھانے کے لیے تحقیق کرنے کی ضرورت ہے،مزید برآں، البرکہ پاکستان اولیو سمٹ 2024 نے پاکستان کی زیتون کی صنعت کو آگے بڑھانے کے لیے اہم قومی اور بین الاقوامی ماہرین، پالیسی سازوں، اور صنعت کے رہنماؤں کو اکٹھا کیا۔ "زیتون کے شعبے کی ایک محفوظ، پائیدار اور برآمد کے لیے تیار سپلائی چین کی ترقی" کے موضوع کے تحت سمٹ نے زیتون کی عالمی منڈی میں پاکستان کے ایک اہم کھلاڑی کے طور پر ابھرنے کی صلاحیت پر زور دیا۔