احتجاج کیوجہ سے شہر بھر میں ٹریفک کا نظام درہم برہم ہوگیا‘ رحیم کاکڑ

کوئٹہ(پ ر)پاکستان تحریک انصاف کے رہنما محمد رحیم کاکڑ نے بیان میں طالب علم مصور کاکڑ کے اغوا کی مذمت کرتے ہوئے کہا کہ 5روز گزرنے کے باوجود معصوم بچے کی عدم بازیابی کی وجہ سے لواحقین کا احتجاج جاری ہے جس کی وجہ سے پورے شہر میں ٹریفک کا نظام درہم برہم ہوگیا۔ انہوں نے کہا کہ کوئٹہ میں احتجاج کی وجہ سے عوام ، مسافروں ، طلباء اور خاص طورپر مریضوں کو مشکلات کا سامنا ہے، لواحقین سے اپیل ہے کہ عوام کی مشکلات کو مدنظر رکھتے ہوئے احتجاج کی جگہ تبدیل کی جائے۔ انہوں نے کہا کہ پی ٹی آئی لواحقین کے ساتھ ہے ۔