تنظیم الاعوان بلوچستان کے وفد کا مصور کاکڑ کے لواحقین سے اظہار یکجہتی

کوئٹہ(پ ر) تنظیم الاعوان بلوچستان کے چیئرمین ملک سعید اعوان کی قیادت میں وفد جس میں ملک حمید، جاویداقبال اعوان، جمیل اعوان،حاجی نوعید، ملک سبحان و دیگر نے گزشتہ روز ملتانی محلہ سے اغوا ہونیوالے معصوم بچے مصور خان کاکڑ کے لواحقین کی جانب سے لگائے گئے کیمپ آکر اظہار یکجہتی کیا ۔ اس موقع پر گفتگوکرتے ہوئے انہوں نے کہا کہ شہر میں بڑھتی بدامنی اور اغوا کی وارداتوں نے عوام کا جینا دوبھر کردیا، ستم ظریفی ہے کہ معصوم بچہ جو اسکول جارہا تھا کو وین سے اغوا کرلیا گیا جو حکومت اور انتظامیہ کی کارکردگی پر سوالیہ نشان ہے۔ 5روز گزرنے کے باوجود بھی بچہ بازیاب نہ ہوسکا۔ انہوں نے کہا کہ فوری طور پر مصور خان کاکڑ کو بازیاب کراکر ملوث ملزمان کو قانون کے کٹہرے میں لایا جائے۔