وفاقی بیورو کر یسی تقرر و تبادلے : بریگیڈیئر عمر سعید ڈائریکٹرایئرپورٹس سیکیورٹی فورس مقرر

اسلام آ باد ( رانا غلام قادر )وفاقی بیورو کر یسی میں تقرر و تبادلے ، اسٹیبلشمنٹ ڈویژن نے تقرر و تبادلوں کے نوٹیفکیشن جاری کر د یے ہیں۔ ڈائریکٹر، ایئرپورٹس سیکیورٹی فورس بریگیڈیئر واجد صبغت اللہ کو سبکدوش کر کے بریگیڈیئر عمر سعید کو ایئرپورٹس سیکیورٹی فورس میں ڈائریکٹر مقرر کیا گیا ہے۔ یہ تقرری سیکنڈمنٹ کی بنیاد پر مروجہ قواعد وضوابط کے مطابق فوری و تاحکمِ ثانی نافذالعمل ہے۔فرحت جبین نظامت تعلیمات اسلام آ باد ،شاہ زیب شر بینظیر انکم سپورٹ پروگرام میں تعینات ، دریں اثناء صوبائی حکومتوں کے جن افسران کی ڈیپوٹیشن پر وفاقی حکومت کے اداروں میں تعیناتی کی گئی ہے اُن کی تفصیلات کے مطابق ایسوسی ایٹ پروفیسر آف اکنامکس، ہائر ایجوکیشن ڈیپارٹمنٹ، خیبرپختونخوا حکومت فرحت جبین کا تبادلہ کر کے اُن کی خدمات فیڈرل ڈائریکٹوریٹ آف ایجوکیشن اسلام آباد کے سپرد کی گئی ہیں جبکہ اسسٹنٹ ڈائریکٹر، محکمہٴ بہبود آبادی، سندھ حکومت شاہ زیب شر کو تبدیل کر کے اُن کی خدمات بطور اسسٹنٹ ڈائریکٹر بے نظیر انکم سپورٹ پروگرام سندھ ریجن کے سپرد کی گئی ہیں۔