9مئی مقدمات:یاسمین راشد کی بعدازگرفتاری ضمانت پرسماعت ملتوی

لاہور ، راولپنڈی ( خبر ایجنسیاں)سانحہ9مئی کےدو مقدمات میں ڈاکٹر یاسمین راشد کی بعد از گرفتاری ضمانت پر سماعت10دسمبر تک ملتوی کردی گئی۔انسداد دہشتگردی عدا لت کے جج منظر علی گل نے دو مقدمات میں بعد از گرفتاری ضمانت کی درخواست پر سماعت کی ، ڈاکٹر یاسمین راشد کے وکیل برھان معظم ملک ایڈووکیٹ پیش نہیں ہوئے۔معاون وکیل نے عدالت سے استدعا کی کہ سینئر وکیل برھان معظم ملک راستے بند ہونے کی وجہ سے پیش نہیں ہوئے ، دلائل کیلئے مہلت دی جائے ۔عدالت نے وکیل کو ضمانتوں کو دلائل مکمل کرنے کی ہدایت کرتے ہوئے سماعت 10 دسمبر تک ملتوی کر دی ۔یاسمین راشد نے جناح ہاس کے قریب چوک میں پولیس کی گاڑیاں کے دو مقدمات میں ضمانت دائر کر رکھی ہے ، مقدمات میں بغاوت اور عوام کو فسادات پر اکسانے کی دفعات شامل ہیں۔ دوسری جانب انسداد دہشت گردی عدالت گوجرانوالہ میں عمر ایوب، زرتاج گل اور احمد چٹھہ کے خلاف 9 مئی کے مقدمہ میں عبوری ضمانت کی درخواستوں پر سماعت ہوئی، تینوں ملزمان عدالت میں پیش نہ ہوئے۔ملزمان کی طرف سے حاضری سے استثنیٰ کی درخواستیں جمع کروائی گئیں، درخواست میں راستوں کی بندش کو جواز بنایا گیا ہے۔عدالت نے پی ٹی آئی سینٹرل پنجاب کے صدر احمد چٹھہ کی درخواست منظور کر لی جبکہ عمر ایوب اور زرتاج گل کو حکم دیا کہ اپنے کونسل کے زریعے درخواست جمع کروائیں۔بعدازاں ان دونوں نے اپنے وکیل کے زریعے حاضری سے استثنیٰ کی درخواستیں جمع کروا دیں جو عدالت نے منظور کر لیں اور درخواستوں پر سماعت 19 دسمبر تک ملتوی کر دی۔