پنجاب: سموگ کا راج برقرار، لاہور دنیا کے آلودہ ترین شہروں میں تیسرے نمبر پر آگیا

لاہور (آن لائن) پنجاب میں سموگ کا راج بدستور برقرار اور فضا آلودہ ترین رہی۔ لاہور فضائی آلودگی میں دنیا میں تیسرے نمبر آ گیا جبکہ ملک کے آلودہ ترین شہروں میں سکھر پہلے نمبر پر آگیا۔ اے کیو آئی332ریکارڈ کیا گیا۔ پشاور میں ائر کوالٹی انڈیکس435‘ ملتان میں424ہو گیا۔ فیصل آباد میں250جبکہ راولپنڈی میں فضائی آلودگی کی شرح 165 ریکارڈ کی گئی۔ گزشتہ روز علی الصبح سکھر766ائر پارٹیکولیٹ میٹرز کے ساتھ ملک کا آلودہ ترین شہر رہا جب کہ 557 ائر انڈیکس کے ساتھ شیخوپورہ دوسرے نمبر پر رہا۔ ملتان 475 کے ساتھ تیسرے نمبر پر ریکارڈ ہوا۔ 562 ائر پارٹیکولیٹ میٹرز کے ساتھ ملتان آلودہ ترین شہر ریکارڈ کیا گیا۔ دوسری جانب دنیا کے آلودہ ترین بڑے شہروں میں بھارتی شہر کولکتہ 406 ائر کوالٹی انڈیکس کے ساتھ سر فہرست ہے۔