عمران، بشریٰ بی بی ، علی امین اور دیگر کیخلاف اسلام آباد میں 8مقدمات

اسلام آباد(نمائندہ جنگ)پی ٹی آئی کے احتجاج کے دوران عمران خان سمیت پی ٹی آئی کارکنوں کیخلاف اسلام آباد کے 8 تھانوں میں مقدمات درج کر لئے گئے ، تھانہ شہزاد ٹاؤن،تھانہ سہالہ ، تھانہ بنی گالہ، تھانہ کھنہ، تھانہ شمس کالونی، تھانہ ترنول، تھانہ نون اور تھانہ نیلورمیں درج ایف آئی آرز انسداد دہشتگردی، اسمبلی ایکٹ ، پولیس مزاحمت ، اغوا، کار سرکار میں مداخلت اور دفعہ 144 کی خلاف ورزی کی دفعات کے تحت درج کی گئی ہیں،جن میں بانی پی ٹی آئی، بشریٰ بی بی، علی امین گنڈاپور ،سلمان اکرم راجہ اور شیخ وقاص سمیت ہزاروں نامعلوم افراد بھی نامزد کر دیئے گئے ہیں۔