آکسفورڈ یونیورسٹی کے نئے چانسلر کا انتخاب ہوگیا، عمران محروم ر ہے

اسلام آباد (نمائندہ جنگ) برطانوی کنزرویٹو پارٹی کے سابق رہنما اور سابق وزیر خارجہ لارڈ ولیم ہیگ آکسفورڈ یونیورسٹی کے 160ویں چانسلر منتخب ہوگئے۔ برطانوی رکن پارلیمنٹ ولیم ہیگ نے 1982 میں آکسفورڈ یونیورسٹی سے گریجویشن کی، یہ اب اس باوقار یونیورسٹی میں چانسلر کے رسمی عہدے پر فائز ہوں گے۔ ان کے انتخاب کے ساتھ ہی یونیورسٹی کی 800 سالہ تاریخ میں پہلی بار خاتون چانسلر کے منتخب ہونے کی امیدوں پر پانی پھر گیا، یاد رہے اڈیالہ جیل میں قید بانی پی ٹی آئی عمران خاناس عہدے سے محروم رہے۔