ایل پی جی کاروبار،قوانین کی خلاف ورزی پر سخت سزا دینے کا فیصلہ

لاہور (این این آئی) آئل اینڈ گیس ریگولیٹری اتھارٹی (اوگرا) نے ایل پی جی قوانین کی خلاف ورزی پر سخت سزائیں دینے کا فیصلہ کر لیا۔ اوگرا ذرائع کے مطابق غیر معیاری ایل پی جی سلنڈر یا غیر معیاری آلات فروخت کرنے والوں پر بھاری جرمانہ عائد ہو گا۔ پہلے ایل پی جی قوانین کی خلاف ورزی پر 3ہزار روپے جرمانہ ہوتا تھا جسے بڑھا کر کم سے کم 10لاکھ روپے سے ایک کروڑ روپے تک کرنے کی تجویز ہے۔ اوگرا ذرائع کا کہنا ہے کہ قوانین کی خلاف ورزی پر سزا بھی 6ماہ سے بڑھا کر 10سال ناقابل ضمانت کی تجویز دی گئی ہے۔ اب ایل پی جی کے قوانین پر عمل نہ ہوا تو 10سال کی سزا ہو گی۔ ملک بھر میں ایل پی جی کے استعمال میں تیزی سے اضافے کے باعث یہ فیصلے کئے گئے ہیں۔ غیر معیاری اور مکس گیس فروخت کرنے والے بچ نہیں سکیں گے۔ ذرائع کا کہنا ہے کہ اوگرا کے نئے قوانین کی سمری حمتی منظوری کے لئے حکومت کو بھجوا دی گئی ہے۔ انسانی جانوں کو بچانے کے لئے قوانین میں تبدیلی لا رہے ہیں۔