سویلینز ملٹری ٹرائلز سے متعلق آئینی بنچ کی تشکیل، جوڈیشل کمیشن اجلاس طلب

اسلام آباد(جنگ رپورٹر)چیف جسٹس پاکستان جسٹس یحییٰ آفریدی نے 9مئی2023کی دہشتگردی میں ملوث سویلین ملزمان کے فوجی عدالتوں میں ٹرائل سے متعلق مقدمہ کی سماعت کیلئے آئینی بینچ تشکیل دینے کیلئے 6دسمبر کو جوڈیشل کمیشن کا اجلاس طلب کرلیا ہے، ذرائع کے مطابق اجلاس میں جسٹس شاہد بلال کی آئینی بنچ میں شمولیت پر غور ہوگا،یاد رہے کہ آئینی بینچ نے جسٹس عائشہ اے ملک کی جگہ نئے جج کی شمولیت کیلئے کمیشن سے رجوع کیا تھا،دوسری جانب اسی روز ہی پشاور اور سندھ کی ہائی کورٹوں میں خالی نشستوں پر ایڈیشنل ججوں تقرری کیلئے بھی اجلاس منعقد ہوگا ۔