اسرائیل کی جارحیت کیوجہ سے لبنان کو 20ارب ڈالر کا نقصان ہوا، حکومتی وزیر

کراچی(نیوزڈیسک)لبنان کے وزیر معاشیات و تجارت نے کہا ہے کہ اسرائیل کی جارحیت کی وجہ سے ہمیں 15 سے 20 ارب ڈالر کے نقصان کا سامنا کرنا پڑا ہے۔ سیاحت کے شعبے کو 10ارب ڈالر کے خسارے کا سامنا رہا جس کی وجہ سے 5 لاکھ کے قریب لبنانی بے روزگار ہوئے غیر ملکی خبررساں ایجنسی کو دیے گئے انٹرویو میں انہوں نے کہا کہ اسرائیل کی جارحیت کی وجہ صرف اہم شعبوں میں ہی کام بہت زیادہ متاثر ہوا اور اس سے خزانے کو بڑے نقصان کا سامنا کرنا پڑا۔وزیر امین السلام نے کہا کہ 17ستمبر کے بعد سے شروع ہونے والی جارحیت کے نتیجے میں14لاکھ لوگ بے گھر ہوئے، اس کے علاوہ ہزاروں کو بڑی تباہی سے دوچار ہونا پڑا۔